బుక్కాపురంలో 6 వ తేదీ మండల సర్వసభ్య సమావేశం-ఎంపీడీవో శివ నాగజ్యోతి
స్టూడియో 10 టీవీ న్యూస్, మే04, మహానంది:
మహానంది మండలం బుక్కాపురం గ్రామంలోని మండల మహిళా సమాఖ్య కార్యాలయంలో మండల అధ్యక్షురాలు బుడ్డారెడ్డి యశస్విని అధ్యక్షతన శనివారం ఉదయం 11 గంటల నుంచి మండల పరిషత్ సర్వసభ్య సమావేశం జరుగుతుందని ఎంపీడీవో శివ నాగజ్యోతి గురువారం ఒక ప్రకటనలో పేర్కొన్నారు.ఈ సందర్భంగా ఎంపీడీవో మాట్లాడుతూ ఈ సమావేశమునకు మండలంలోని అన్ని శాఖల అధికారులు శాఖల వారీగా నివేదికలతో హాజరుకావాలన్నారు. మండల స్థాయి పలు శాఖలకు చెందిన అధికారులు తాజా ప్రగతి నివేదికలను ఈమెయిల్ గురువారం సమర్పించాలని అన్నారు. అలాగే మండలంలోని అందరూ ఎంపీటీసీలు, సర్పంచులు, పంచాయతీ కార్యదర్శులు, జెడ్పిటిసిలు,కోఆప్షన్ సభ్యులు, ఇతర ప్రజాప్రతినిధులు తప్పనిసరిగా హాజరు కావాలని ఎంపీడీవో కోరారు.
