ప్రమాదవశాత్తు అగ్నిప్రమాదంలో పశుగ్రాసం దగ్ధం
దాదాపు లక్ష రూపాయలు నష్టం వాటిల్లింది
స్టూడియో 10 టీవీ న్యూస్, ఏప్రిల్ 13, మహానంది:
మహానంది మండలం బుక్కాపురం మజరా గ్రామ పరిధిలోని పుట్టుపల్లె గ్రామంలో గురువారం ప్రమాదవశాత్తు అగ్నిప్రమాదం సంభవించింది. స్థానికులు గమనించి వెంటనే మంటలను అదుపు చేశారు. అప్పటికే పశుగ్రాసం పూర్తిగా కాళీ దగ్ధమైంది. పుట్టుపల్లె గ్రామానికి చెందిన కొల్లి తులశమ్మ పాడి పశువులను మేపుకుంటూ జీవనం సాగిస్తుంది. పాడి పశువుల కోసం పొలాల నుండి పశుగ్రాసం సేకరించి నిల్వ పెట్టుకోగా ప్రమాదవశాత్తు అగ్ని ప్రమాదం చోటు చేసుకోవడంతో కాలి బూడిదయ్యింది.ఈ ఘటనలో సుమారు లక్ష రూపాయల వరకు నష్టం జరిగినట్లు బాధితురాలు ఆవేదన వ్యక్తం చేసింది. అధికారులు స్పందించి ప్రభుత్వం నుంచి నష్ట పరిహారం అందే విధంగా చర్యలు తీసుకోవాలని బాధితురాలు కోరారు.
