వైభవంగా శ్రీ వెంకటేశ్వర స్వామి గ్రామోత్సవం
స్టూడియో 10 టీవీ న్యూస్, ఏప్రిల్ 08, మహానంది:
మహానంది మండలం గాజులపల్లె గ్రామంలోని కొలువైన శ్రీదేవి, భూదేవి సమేత శ్రీ వెంకటేశ్వర స్వామి వారి ప్రధమ వార్షికోత్సవం సందర్భంగా గ్రామోత్సవం శనివారం వైభవంగా నిర్వహించారు.
ఆలయ కమిటీ సభ్యులు, శ్రీ సేవా సమితి సభ్యుల ఆధ్వర్యంలో సాయంత్రం శ్రీ వెంకటేశ్వర స్వామివారిని పూలమాలతో అలంకరించి మేళ తాళాలు, మంగళ వాయిద్యాలు నడుమ ఊరేగించారు. భక్తులు నారికేల, కర్పూర నీరాజనాలు, సమర్పించి మొక్కులు తీర్చుకున్నారు. అర్చకులు భాను ప్రసాద్ చార్యులు,రంగా చార్యులు వేదమంత్రాల నడుమ స్వామివారి గ్రామోత్సవాన్ని నిర్వహించారు.
